一齊回顧我們這一年!

時光飛逝，夢創成真終於一歲喇！2017年11月9日這個大日子，正是我們正式開幕的日子。一年的成功是因為有每一位對社會充滿熱心並踏入夢創成真的你們。是時候一齊回顧過去三百六十五日精彩時刻！

今年一月同八月，我哋同紅十字會輸血服務中心將夢創成真嘅空間變做臨時捐血站，仲有接近二百位善長人翁成為「捐血救命隊」！

返工返到肩緊膊痛，個腦仲閉塞埋，想趁著放lunch鬆一鬆？夢創成真之前夾埋唔同有心嘅團體，設計咗一系列瑜伽／深度放鬆／禪食／拉筋等「身心靈」活動，加埋健康素食午餐，幫荔枝角嘅上班族打打氣！

除咗同本地嘅社企同慈善團體合作，夢創成真亦係各個夥伴連結商界嘅橋樑。今年年頭，我哋同Echoasia、Konica Minolta以及香港寬頻，舉辦咗一場「企業與社企合作系列」研討會，希望為兩方嘅業務都帶嚟新衝擊！

夢創成真相信教育學生及大眾可以擴大本地社創嘅力量，所以我哋聯同各大院校及中學推行「社會創新體驗」，帶本地甚至國外嘅學生遊走於夢創成真，等佢哋有機會了解社創界別嘅夥伴，再將所學所得實踐於緊接下來嘅工作坊

今年八月嘅炎炎夏日，最好緊係搞返個屬於夥伴嘅聚會，同各位一齊「chill」吓！當日我哋精心準備咗小食同輪椅體驗活動，各位都話玩得好開心！

喺九月尾，我哋同Techstars Startup Weekend以及Zero Waste Life舉辦咗全亞洲首個零廢物創業周末，各隊伍喺五十四小時嘅時限為環保構思一條全新嘅點子。嬴咗嗰隊仲做埋我哋常駐夥伴，幫助佢哋「夢創成真」！

「原來我可以衝破枷鎖！」夢創成真化身影院，等大家一邊轆住輪椅，一邊思索創意嘅源頭，創意力UP！

我哋一周年派對有個巨型波波池？係呀，我哋「夢創小隊」相信冇嘢係唔得嘅！

你們會對夢創成真的未來有什麼期望嗎? 會是更多更大型又有社會意義的活動? 更多支持社創的工作坊?留言告訴我們吧!