喺過去一年，有超過860個活動喺夢創成真舉辦過，帶來超過2萬嘅活動參加人次。為慶祝呢個社群同空間正式成立一年，我哋喺上星期五連同96位夥伴同朋友搞咗個大型party，啱啱同上年11月9號嘅開幕禮隔咗365日。
一周年party當然唔嘢少，我哋除咗邀請大家以「八十年代香港」嘅主題盛裝出席，仲將整個空間反轉再反轉－－唔單止有酒飲、有嘢食、有懷舊打卡位、open mic即席表演環節，仲有終極秘密武器……就係大人細路都啱玩嘅波波池！呢2萬5千個波波其實係收集自附近嘅室內遊樂場，放心，玩完之後我哋已經車晒去回收喇！
要有趣得來又有意義，就唔少得要我哋夥伴出馬啦！感謝Face Painting 花Mi貓一班義工媽媽嘅人體出色嘅彩繪、Fair Taste 公平棧嘅公平貿易餐酒showcase ＆ tasting、St. James’ Settlement – Green Ladies借出別有一番風味嘅懷舊服飾、「融·聚·歷」嘅輪椅挑戰、以及MicroForests贊助BINGO遊戲嘅獎品！
